بھوپال، 03 مارچ(ایس او نیوز؍آئی این ایس انڈیا) مدھیہ پردیش کے سابق وزیر اعلی دگ وجے سنگھ ایئر اسٹرائک کے ثبوت مانگنے کے بیان کے بعد ریاست میں سیاسی طور پر معاملہ گرماتا جا رہا ہے۔ریاست کے دو سابق وزرائے اعلی نے اب ان کے خلاف حملہ بول دیا ہے۔سابق وزیر اعلی شیوراج سنگھ چوہان نے ان پر جم کر نشانہ لگاتے ہوئے کہا کہ وہ مودی کی مخالفت میں اندھے ہو گئے ہیں اور پاکستان کی زبان بول رہے ہیں۔بی جے پی نے ان کے بیان پر تنقید کرتے ہوئے اتوار کو پوری ریاست میں مظاہرے کا اعلان کیا ہے۔
ریاست کے سابق وزیر اعلی شیوراج سنگھ چوہان نے دگ وجے سنگھ کی تنقید کرتے ہوئے کہا کہ وہ مودی کی مخالفت میں اندھے ہو گئے ہیں،تکلیف اس بات کی ہے کہ دگ وجے سنگھ پاکستان کی زبان بول رہے ہیں،یہ ملک کے لئے کلنک ہے۔انہوں نے مزید کہا کہ مودی کی مخالفت کرتے کرتے دگوجے سنگھ بھارت ماتا کی مخالفت کرنے لگے ہیں۔ان کے بیان کی مخالفت میں بھارتیہ جنتا پارٹی (بی جے پی) آج اتوار کو پوری ریاست میں کانگریس کے رہنماؤں کی طرف سے مسلسل توہین کئے جانے کی مخالفت کانگریس کا پتلا جلا رہی ہے اور پروگرام کر رہی ہے۔انہوں نے دگ وجے سنگھ پر الزام لگاتے ہوئے کہا کہ وہ پہلے ہی پہلے مدھیہ پردیش کو تباہ کر چکے ہیں،اب وہ ملک کو تباہ کرنے کی کوشش میں لگے ہیں۔انہوں نے کہاکہ میں ان کے بیان اور زبان کی مذمت کرتا ہوں۔فوج کے سربراہ تک اس ایئراسٹرائک پر پی سی کر چکے ہیں،اگر وہ ہمارے فوج کی فوجی طاقت کو قبول نہیں کر پا رہے ہیں تو دھتکارہے۔
مدھیہ پردیش کے ایک اور سابق وزیر اعلی بابو لال گور نے بھی دگوجے پر حملہ بولا اور کہا کہ فوج کے سربراہ نے ثبوت دے تو دیا۔فوج کے سربراہ تو کسی پارٹی کے نہیں ہیں۔فضائیہ سربراہ، بری فوج سربراہ، پانی فوج کے سربراہ نے ثبوت دے تو دیا، ان سے سوالات کیجیے۔انہوں نے مزید کہا کہ ان کو اس بات کا ملال ہے کہ نریندر مودی نے جو کارروائی کی ہے ویسی کارروائی کانگریس نے اب تک کیوں نہیں کی، ممبئی کے اندر 26/11 کے حملے میں 182 افراد ہلاک ہو گئے اور اس وقت کسی نے کارروائی نہیں کی۔انہوں نے مزید کہا کہ وزیر اعظم نریندر مودی پہلی بار کہہ رہے ہیں کہ فوج خود کارروائی کرے۔
بابو لال گور نے اس کے بعد بڑا بیان دیتے ہوئے کہا کہ اس ایئر اسٹرائک کا فائدہ آنے والے لوک سبھا انتخابات میں بی جے پی کو مل سکتا ہے۔گور نے کہا کہ دگ وجے سنگھ کو اپنی بات رکھنے کا حق ہے، لیکن وہ انتخابات سے ڈرتے ہیں کیونکہ اس کا فائدہ نریندر مودی اور بی جے پی کو ملے گا،یہ سیاسی معاملہ ہے اور بی جے پی کو اس لئے فائدہ ملے گا کیونکہ ہر جنگ میں رولنگ پارٹی کو ہی فائدہ ملتا ہے،بھائی انہوں نے (دہشت گردوں) نے فوج کے جوانوں کو مارا، فوج نے ان کو مارا۔
بی جے پی کے حملے کے درمیان کمل ناتھ حکومت میں شہری انتظامیہ وزیر اور دگ وجے سنگھ کے بیٹے جے وردھن سنگھ نے اپنے والد کے بیان کی حمایت کی۔پاکستان کے وزیر اعظم عمران خان کی تعریف کے بیان پر جے وردھن سنگھ نے والد کی پیروی کرتے ہوئے کہاکہ میں نے بیان سنا ہے، انہوں نے کوئی غلط بات نہیں کی ہے۔ایئر اسٹرائک کے ثبوت مانگنے پر جے وردھن نے کہاکہ کتنا ڈیمیج ہوا ہے، وہ صرف اسی کی معلومات مانگ رہے ہیں اور ملک بھی یہ معلومات مانگ رہا ہے۔ ساتھ ہی جے وردھن نے بی جے پی پر جوابی حملہ کرتے ہوئے کہا کہ بی جے پی بوکھلاہٹ میں ہے کیونکہ 15 سال میں وہ جو کام نہیں کر سکی اس کانگریس نے اقتدار میں آنے کے محض 60 دن میں کر دیا اور اسی کی بوکھلاہٹ بی جے پی میں نظر آرہی ہے اور ان دنوں اس کے لیڈر اناپ شناپ بیان بازی کر رہے ہیں۔
شیوراج سنگھ چوہان سے پہلے مدھیہ پردیش کے بی جے پی ریاستی صدر اور ایم پی راکیش سنگھ نے بھی دگوجے سنگھ کے بیان کو بدقسمتی قرار دیتے ہوئے انہیں پاک پرست کہا۔راکیش سنگھ نے کہا کہ کانگریس اور اس کے لیڈر اس ملک کی سیاست میں آہستہ آہستہ سیاہ دھبے بنتے جا رہے ہیں،ان کے لئے پاکستان کے تئیں محبت اور پاک میں ووٹوں کی فصل دیکھنا عام بات ہو گئی ہے۔ایسے کرتے کرتے اب وہ فوج کے حوصلے کو توڑنے اور فوجیوں کی توہین کرنے کا حوصلہ کرنے لگے ہیں۔دگ وجے سنگھ پر نشانہ لگانے کے ساتھ ہی راکیش سنگھ نے یہ مانگ بھی کی دگ وجے سنگھ اور کانگریس کے دیگر رہنماؤں کو اپنے عمل پر فوجیوں سے معافی مانگنی چاہئے اور انہیں ملک کے نام پر گھنونی سیاست کرنے سے باز آنا چاہئے۔ریاستی اسمبلی میں اپوزیشن لیڈر گوپال بھارگو نے بھی دگوجے سنگھ نے ثبوت والے بیان پر اعتراض کرتے ہوئے کہا کہ دگ وجے سنگھ کو غدار ذہنیت سے باز آنا چاہئے۔
